( طرق - اكسبرتات - اسرار ) بسوق الفوركس
طبعا الحمد لله كحسابات حقيقيه فيه مليون طريقه تكسب بيها بهدوء اعصاب
و تحقق اللي نفسك فيه بعيد عن الاطماع
بس المسابقه بتاعه سوليشن خلتني اهتم اني ابحث شويا
كله بيقول ما ينفعش تحقق اللي بتعمله عالديمو عالحقيقي
واحد تلاقيه بيحقق عالديمو 2000 % في اسبوع
و الحقيقي يغني نار يا حبيبي نار اكلت الحساب
طبعا انا عارف الفرق بينهم بس ايه يمنع نفهم آليه الطرق دي ايه
و نوسع مداركنا و علومنا
انا بعدت عن المنتديات كلها بسبب الانانيه المفرطة و كنت ناوي اذا وصلت لشئ
اني اكون اناني و بخيل زي كل الناس
بس معرفتش
و الموضوع ده بتأمل فيه انه يكون بدايه لانكم تحطوا اديكم معايا و نتشارك
و سأبدأ بنفسي
و اليكم اول ما توصلت اليه
طبعا انا نسيت العربي و تقمصت شخصيه فلاديمير بوتين
و قعدت اتسكع في منتديات الروسيعني بحكم دراستي السياحه فاكر شوية طلاسم مع وجود رفيق وفي مثل جوجل بيمشي الحال
لقيت اكسبرت مميز لل rsi
موش هقول غير اني لقيت نتائجه ملفته للنظر باعدادات قعدت اظبط فيها مع النيوزيلندي
و النيوزيلندي فقط و ليه مش عارف و فريم 15 دقيقه
رفعت نسبة المخاطرة ل 70 % و دبل الحساب في شهر لاكثر من 300 % بدرو داون 68% اعتقد انه معقول جدا بالنسبة لحجم المخاطرة
موش هطول كتير
الاكسبرت و النتيجة و ملف الاعدادات بالمرفقات
و اتمنى نكون ايجابيين و لو خايفين من عيون الشركات فيه مليون طريقه
غير اننا نكون أنانيين
انتظر تجاربكم
و محدش ييجي يقولي شغلته عالحقيقي و اتخرب بيتي انا بحذر اهو
كل واحد يجرب على مسئوليته الشخصيه
